Ադրբեջանը միակ հուսալի, անվտանգ և բարեկամական կետն է, որն ապահովում է Եվրոպայի կապը Կենտրոնական Ասիայի հետ, հայտարարել է Ադրբեջանի նախագահ Իլհամ Ալիևը Դավոսում Համաշխարհային տնտեսական ֆորումի շրջանակներում։

Ալիևն ընդգծել է, որ Ադրբեջանն արդեն զգալի ներդրումներ է կատարել իր տրանսպորտային ենթակառուցվածքներում. «Գրեթե ամեն ինչ պատրաստ է։ Սակայն բեռնափոխադրումների ծավալն այնքան արագ է աճում, որ մենք որոշել ենք մեծացնել Մեր առևտրային ծովային նավահանգստի անցումային կարողությունը։ Տրանսպորտային փոխկապվածության զարգացումը՝ ներառյալ «Թրամփի երթուղին հանուն միջազգային խաղաղության և բարգավաճման» (TRIPP), որը նաև կներգրավի Հայաստանը Կենտրոնական Ասիայի տարածաշրջանի ավելի լայն տրանսպորտային ցանցին, կնպաստի խաղաղության գործին. Հայաստանը կդադարի լինել փակուղի, կսկսի շահույթ ստանալ տարիֆներից և կդառնա լայնածավալ միջազգային համագործակցության մաս»։