2025 թվականին Բնապահպանության և ընդերքի տեսչական մարմինը իրականացված ստուգումների ընթացքում հայտնաբերել է 1264 իրավախախտում, ապօրինի հատվել է 11852 ծառ, առգրավվել են հրացաններ, փայտանյութ և ձկնորսական ցանցեր, իսկ 284 վայրի կենդանի ստացել է պաշտպանություն կամ վերադարձվել է բնական միջավայր։

Իրականացվել է 8 ստուգում «Հայանտառ» ՊՈԱԿ-ի 6 մասնաճյուղում:

Արձանագրվել են՝

• 1264 իրավախախտում
• 11852 ապօրինի հատված ծառ
• 4,255․2 խմ ապօրինի փայտանյութ

Կիրառվել է ՝

• 293 վարչական տույժ
• 30,300,000 դրամ տուգանք

Հաշվարկվել է՝

• 907,914,459 դրամ պատճառված վնաս
• Վայրի կենդանիների պահման պայմանների խախտման և ապօրինի որսի 38 դեպքով հայտնաբերվել է 284 կենդանի։

Առգրավվել են՝

13 հրացան, 22 փամփուշտ, 21 լողամիջոց, 248 ձկնորսական ցանց, 4 ինքնաշեն մետաղական օղակ։
​

Անազատության մեջ պահվող ՀՀ կարմիրգրքյան 7 կենդանի՝ 6 անդրկովկասյան գորշ արջ, 1 բեզոարյան այծ տեղափոխվել է կենդանիների համար առավել բարենպաստ պայմաններ ապահովող ապաստարան և կացարան։

Անազատության մեջ պահվող 3 կենդանի՝ 1 գայլ, 1 բվիկ, 1 ճուռակ վերադարձվել է վայրի բնություն։

Քաղաքացիների կողմից հայտնաբերված ՀՀ կարմիրգրքյան 2 թռչուն՝ 1 սապսան, 1 մեծ ենթարծիվ տեղափոխվել է Երևանի կենդանաբանական այգի։