Թեհրանը պատրաստ է երկխոսության Վաշինգտոնի հետ, սակայն ԱՄՆ-ի ճնշման դեպքում պատրաստ է պաշտպանվել, ասվում է ՄԱԿ-ում Իրանի առաքելության հայտարարության մեջ։
«Իրանը պատրաստ է երկխոսության՝ հիմնված փոխադարձ հարգանքի և շահերի վրա։ Սակայն եթե Իրանին ստիպեն, նա կպաշտպանի իրեն և կպատասխանի այնպես, ինչպես երբեք չի արել», – ասվում է ՄԱԿ-ում Իրանի առաքելության X սոցիալական հարթակի էջում տեղադրված հաղորդագրության մեջ։
Հայտարարությունը հրապարակվել է ի պատասխան ԱՄՆ նախագահ Դոնալդ Թրամփի X սոցիալական հարթակում արված գրառման, որում Թրամփը պահանջել էր, որ Իրանը նստի բանակցությունների սեղանի շուրջ և հասնի նոր միջուկային համաձայնագրի:
Հունվարի 22-ին ԱՄՆ նախագահ Դոնալդ Թրամփը հայտարարել է, որ ԱՄՆ ռազմածովային ուժերի նավերը շարժվում են դեպի Իրան՝ «ամեն դեպքում»։ Մինչ այդ նա չի կարողացել վերջնական պատասխան տալ այն հարցին, թե արդյո՞ք Իրանում ռազմական միջամտության տարբերակը վերացվել է, նշելով միայն, որ չի կարող կանխատեսել, թե ինչ կլինի ապագայում։
