2026 թվականի հունվարին ռուսական նավթի և մազութի արտահանումը դեպի ասիական երկրներ դանդաղել է՝ պայմանավորված արևմտյան պատժամիջոցների ուժեղացմամբ և գնորդների աճող զգուշավորությամբ։ Այս մասին հայտնում է Reuters գործակալությունը։

Հումքի մի մասը մնում է պահեստավորված կամ նավահանգստային ենթակառուցվածքներում, կամ անմիջապես տանկերների մեջ։ Մատակարարվող բեռների վերջնական նպատակակետերը շատ դեպքերում մնում են չբացահայտված։

Գործընթացը բարդացել է թե՛ լոգիստիկ տեսանկյունից, թե՛ հաշվարկների իրականացման հարցում։ Սա հանգեցրել է տրանզակցիոն (փոխանցումների) ծախսերի աճին։

Շուկայի մասնակիցների համար այս լուրերը վկայում են ոչ թե պահանջարկի անկման, այլ արտահանման շղթաներում «ֆրիկցիաների» (շփումների և խոչընդոտների) աճի մասին։