Հայաստանն ու Միացյալ Նահանգները ավարտին են հասցրել քաղաքացիական միջուկային էներգիայի ոլորտում համագործակցության բանակցությունները։ Այս մասին Երևանում կայացած համատեղ ասուլիսի ընթացքում հայտարարեց ԱՄՆ փոխնախագահ Ջեյ Դի Վենսը։ 

«Սկզբնական մոտ 5 միլիարդ դոլար ներդրումների մասին ենք խոսում, հետագայում՝ երկրորդ փուլում` ևս 4 միլիարդ: Սա երկուստեք փոխշահավետ իրավիճակ է և՛ Հայաստանի համար, և՛ իմ երկրի համար՝ էներգետիկ անվտանգության, էներգետիկ կայունության։ Խոսքը վերաբերում է փոքր մոդուլային ռեակտորներին»,- մանրամասնեց Վենսը։