Բացի YouTube-ից և WhatsApp-ից Ռուսաստանում Դոմենային անունների ազգային համակարգի (НСДИ) գրառումներից հեռացվել են նաև մի շարք այլ կայքերի տվյալներ։
Ըստ այդմ՝ НСДИ-ի օգտատերերը չեն կարող մուտք գործել այդ ռեսուրսներ, ներառյալ նրանք, որոնք նույնիսկ պաշտոնապես արգելափակված չեն Ռուսաստանի տարածքում։
Ահա դոմենների ցանկը.
Բրաուզերների կողմից տրվող «DNS_PROBE_FINISHED_NXDOMAIN» սխալը նշանակում է, որ նման դոմեն գոյություն չունի։ Սա փաստում է այն մասին, որ տեղեկագրից պարզապես հեռացվել են այդ ռեսուրսների IP հասցեները։
Ի՞նչ է սա նշանակում
Կարգավորողները սկսել են ակտիվորեն կիրառել սահմանափակման նոր մեթոդ՝ DNS գրառումների հեռացում կամ DNS tampering: Նախկինում սա կիրառվում էր կետային եղանակով (օրինակ՝ 2024-ին Discord-ի և Signal-ի արգելափակման ժամանակ), սակայն նման մասսայական հեռացում արձանագրվել է միայն այսօր։
Ի՞նչ անել․ Առայժմ միայն НСДИ-ն է հեռացրել վերոնշյալ ռեսուրսների IP հասցեների մասին տեղեկությունները։ Այլ DNS պրովայդերները շարունակում են անխափան աշխատել։ Հետևաբար, հասանելիությունը վերականգնելու համար կարելի է պարզապես փոխել DNS կարգավորումները կամ օգտվել VPN ծառայություններից։
