WhatsApp-ի աշխատանքի վերականգնումը հնարավոր է, եթե Meta-ն պատրաստ լինի երկխոսության իշխանությունների հետ և պահպանի ռուսական օրենսդրությունը։ Այս մասին ՏԱՍՍ-ին հայտնել է ՌԴ նախագահի մամուլի քարտուղար Դմիտրի Պեսկովը։

«Եթե Meta կորպորացիան կատարի այն [օրենսդրությունը], նա երկխոսության մեջ կմտնի ռուսական իշխանությունների հետ, և այդ դեպքում հնարավորություն կստեղծվի պայմանավորվելու», — ասել է Պեսկովը՝ պատասխանելով մեսենջերի ճակատագրի մասին հարցերին։

Նա ընդգծել է, որ եթե կորպորացիան շարունակի զբաղեցնել «նույն անզիջում դիրքորոշումը» և անտեսել ռուսական օրենսդրության պահանջները, ապա «աշխատանքի վերականգնման շանսեր չկան»։