ԱՄՆ փոխնախագահ Ջեյ Դի Վենսը հայտարարել է, որ Վաշինգտոնը իրեն իրավունք է վերապահում կիրառելու ռազմական ուժ, եթե Թեհրանի հետ բանակցությունները մտնեն փակուղի։

«Կարծում եմ՝ նախագահը [ԱՄՆ նախագահ Դոնալդ Թրամփը] շատ տարբերակներ ունի։ Մենք ունենք շատ հզոր զինված ուժեր։ Նախագահը ցուցադրել է պատրաստակամություն դա օգտագործելու։ Նա նաև ունի հիանալի դիվանագիտական ​​թիմ, և նա ցուցադրել է նաև դա գործի դնելու պատրաստակամություն»,- ասել է քաղաքական գործիչը Fox News-ին տված հարցազրույցում։

«Բայց, իհարկե, նախագահն իրավունք է վերապահում ասելու,  թե երբ է իր կարծիքով դիվանագիտությունը հասել իր բնական ավարտին։ Մենք հույս ունենք, որ բանը դրան չի հասնի, բայց եթե դա տեղի ունենա, ապա որոշողը կլինի նախագահը»,- եզրափակել է Վենսը։