Իրանի արտգործնախարար Աբաս Արաղչին MSNBC հեռուստաալիքին տված հարցազրույցում հայտնել է, որ Միացյալ Նահանգները Իրանին չեն դիմել ուրանի հարստացումից մշտական հիմունքներով հրաժարվելու խնդրանքով։
Նա հերքել է տարածված այն լուրերը, թե Թեհրանն իբր առաջարկել է երկու-երեք տարով դադարեցնել ուրանի հարստացումը, իսկ Վաշինգտոնը պնդել է այդ գործունեությունից լիակատար հրաժարվելու մասին։
Հարցազրույցի ընթացքում Արաղչին հայտարարել է.
«Այդ ենթադրությունները կեղծ են։ Մենք չենք առաջարկել ուրանի հարստացման որևէ դադարեցում։ ԱՄՆ-ն չի խնդրել հարստացման զրոյական մակարդակ։ ԱՄՆ-ին ուղղված մեր գործարքի առաջարկը պատրաստ կլինի 2-3 օրից»։
Նա նաև հավելել է, որ Իրանը ամերիկացիներին թշնամի չի համարում, այլ թշնամական է համարում ԱՄՆ իշխանությունների վարած քաղաքականությունը։
