Ուզում եմ ասել, որ շատ գովելի է, որ Հայաստանը բռնել է եվրոպական ուղին, և սա շատ ակտիվ թեմա է քննարկումների համար, թե ինչպես ընդլայնել ԵՄ-ի այդ մեծ ընտանիքը: Այդ մասին ՀՀ վարչապետ Նիկոլ Փաշինյանի հետ համատեղ հայտարարության ընթացքում ասաց Լեհաստանի վարչապետ Դոնալդ Տուսկը:
«Շատ հետաքրքիր միջադեպ եղավ: Երեկ Իսլանդիայի վարչապետն էր այստեղ. մի երկիր, որը աշխարհագրական մեկ այլ ուղղությունից է, և շուտով նրանք հանրաքվե են ուզում կազմակերպել, և մենք զրուցում էինք, շատ ռեալիստական տեսլական էինք տեսնում, թե ինչպես կարող ենք բացել այդ ճանապարհը Հայաստանի քաղաքացիների համար, որպեսզի դա լինի պրակտիկ ընթացակարգ: Մենք շատ զգուշորեն, բայց հստակ բաց ենք ԵՄ-ն ընդլայնելու այն բոլոր երկրների համար, որոնք ընտրում են ժողովրդավարությունը, անկախությունը և խաղաղությունը: Ես վստահ եմ, որ Ձեր վարած քաղաքականությունը հենց այդ ճանապարհով է ընթանում, և ուզում եմ ևս մեկ անգամ Ձեր մոտեցման համար խոր երախտագիտությունս հայտնել»,- նշեց Լեհաստանի վարչապետը:
