Երգչուհի Ռիհաննայի Լոս Անջելեսում գտնվող տան
վրա կրակ են բացել կիսաավտոմատ հրացանից, հաղորդում է NBC News-ը։
Ոստիկանության տվյալներով՝ մի կին մեքենայով
մոտեցել է Ռիհաննայի առանձնատանը և կրակ բացել։ Տուն և տան տարածք է ընկել չորս
փամփուշտ կամ փամփուշտի բեկորներ։ Երգչուհին այդ պահին տանն է եղել, նա չի տուժել։
Հրաձգության մեջ կասկածվողին վերցրել են
կալանքի տակ։ Նա մոտ 30 տարեկան կին է։ Նրա անունը չի հրապարակվում, իսկ
դրդապատճառները անհայտ են։ Զենքը, որով նա կրակել է, ոստիկանության աշխատակիցները առգրավել
են:
