Իրանի ամենամեծ նավթային տերմինալի՝ Խարգ կղզու վրա ԱՄՆ-ի հնարավոր հարձակումը կարող է զգալի ազդեցություն ունենալ նավթի գների վրա։ Այս մասին հայտարարել է Իրանի Իսլամական հեղափոխության պահապանների կորպուսի (ԻՀՊԿ) ռազմածովային ուժերի հրամանատար Ալիռեզա Թանգսիրին։

«Եթե Հորմուզի նեղուցի խելացի վերահսկողությունը նոր ինդեքսներ է բերել նավթի գների համար, ապա Խարգ կղզու վրա հարձակումը կհանգեցնի ավելի ծանր և նոր հավասարության էներգիայի և գների բաշխման աշխարհում», — գրել է ԻՀՊԿ հրամանատարը X սոցիալական ցանցում։

Ավելի վաղ Axios լրատվականը, հղում անելով իր աղբյուրներին, հայտնել էր, որ ԱՄՆ նախագահ Դոնալդ Թրամփը քննարկում է Իրանի Խարգ կղզու գրավման հնարավորությունը, եթե Հորմուզի նեղուցի ապաշրջափակման ջանքերը երկարեն։