ՀՀ վարչապետ Նիկոլ Փաշինյանը ՔՊ կուսակցականների հետ Սուրբ Աննա եկեղեցում մասնակցել է պատարագի:
Պատարագի ընթացքում միջադեպ է տեղի ունեցել, ներկաներից մեկը փորձել է հարվածել վարչապետին, սակայն թիկնապահները կանխել են միջադեպը:
Վարչապետի աշխատակազմի ղեկավարի տեղակալ Տարոն Չախոյանը «Ֆեյսբուք»-ի իր էջում անդրադարձել է տեղի ունեցածին.
«Վարչապետի վրա սանձարձակին ուղարկողները սխալվել են իրենց հաշվարկներում՝ նրան զուգարանում չեն ծեծելու ու չեն սպանելու, ինչպես իրենք արեցին Պապլավոկում։
8 տարի է ամեն սադրաքի դիմեցին, որ Հայաստանում հայի արյուն թափվի։ Չի լինելու, հայի արյուն թափելու ձեր մուրազը մնալու է ձեր փորում։ Հայաստանում ցանկացած օրինազանցություն պատժվելու է բացառապես օրենքով:
ՀԳ․ Ժամանակին էլ նույն կերպ Նաիրի Հունանյանի ուղեղն էին լվացել ու գործուղել Ազգային Ժողով, վերջում էլ անունը դրեցին մի խումբ ռոմանտիկներ, ուչաստկովիյ գործ»,- գրել է Չախոյանը:
