Իտալիայի վարչապետ Ջորջիա Մելոնիը կոշտ քննադատության է ենթարկել
ԱՄՆ նախագահ Դոնալդ Թրամփի հայտարարությունները Հռոմի պապի մասին՝ դրանք անվանելով
անընդունելի։
«Ես անընդունելի եմ համարում նախագահ Թրամփի՝ Հռոմի պապի մասին
արված դիտողությունները։ Հռոմի պապը կաթոլիկ եկեղեցու գլուխն է, և նորմալ է ու ճիշտ,
որ նա կոչ է անում խաղաղության և դատապարտում է պատերազմի բոլոր ձևերը», – հայտարարել
է Մելոնին։
Ավելի վաղ Թրամփը քննադատել էր Հռոմի պապ Լևոն XIVին՝ նշելով, որ
իրեն «պետք չէ պապ, որը դեմ է իր քաղաքականությանը»։ Նրա խոսքով՝ պապը «Վատիկանում
չէր լինի», եթե ինքը Սպիտակ տանը չլիներ։
