Հունգարիայի վարչապետ Պետեր Մադյարը հայտարարել է պետական լրատվամիջոցների
գործունեությունը կասեցնելու և ոլորտը լայնածավալ բարեփոխելու իր մտադրության մասին,
հայտնում է Telex-ը։
Մադյարի խոսքով՝ կառավարության ձևավորումից հետո պետական լրատվամիջոցները
ժամանակավորապես կդադարեցվեն, որից հետո կվերակազմավորվեն՝ մամուլի ազատությունն ապահովելու
նպատակով։ Նա նշել է, որ նախընտրական քարոզարշավի ընթացքում պետական մեդիան «զգալի
վնաս է հասցրել» և չի արտացոլել իրական պատկերը։
Վարչապետը նաև խիստ քննադատել է կառավարամետ լրատվամիջոցներին՝
դրանք անվանելով «ստի գործարան» և մեղադրելով անկախության բացակայության մեջ։
Լրատվամիջոցների փոխանցմամբ՝ այս զարգացումների ֆոնին Եվրոպական
հանձնաժողովը արդեն կապ է հաստատել Մադյարի հետ՝ կոչ անելով իրականացնել բարեփոխումներ
և բարելավել հարաբերությունները Ուկրաինայի հետ։ Նշվում է, որ նման քայլերը կարող են
հանգեցնել Եվրամիության կողմից զգալի ֆինանսական միջոցների ազատմանը։
