Դոնի Ռոստովի քաղաքապետը հայտարարել է, որ քաղաքում նախատեսվում է ներդնել հատուկ մեքենա, որը արհեստական բանականության տեխնոլոգիաների կիրառմամբ կֆիքսի ճանապարհների փոսերը։
Ալեքսանդր Սկրյաբինը նշել է, որ այս գաղափարը ծագել է Երևանի քաղաքային տնտեսության կառավարման կենտրոն կատարած այցից հետո, որտեղ լայնորեն կիրառվում են արհեստական բանականության լուծումներ։
Նրա խոսքով՝ Ռոստովում նմանատիպ համակարգերի ամբողջական ներդրումը ներկայումս հնարավոր չէ, քանի որ Երևանում օգտագործվում է օտարերկրյա ծրագրային ապահովում։
Քաղաքապետը նաև ընդգծել է, որ քաղաքում արդեն գործում է ինտելեկտուալ համակարգ, որը արհեստական բանականության տարրերի կիրառմամբ կարգավորում է երթևեկությունն ու ճանապարհային լուսացույցների աշխատանքը, հատկապես՝ խցանումների ժամանակ։
