ԱՄԷ անվտանգության ուժերը վերացրել են Իրանի հետ կապված ահաբեկչական խմբավորում և ձերբակալել դրա անդամներին՝ ազգային միասնությունը խաթարելուն ուղղված գործողություններին մասնակցելու կասկածանքով։ Ինչպես հաղորդում է Gulf News-ը և էմիրաթական WAM գործակալությանը, խմբավորումը ծրագրում էր դիվերսիոն գործողություններ իրականացնել երկրի տարածքում։
«Քննությունը ցույց է տվել, որ խումբը ծրագրում էր կազմակերպված ահաբեկչական և դիվերսիոն գործողություններ իրականացնել պետության տարածքում։ Իշխանությունները հայտարարել են, որ ցանցը կապված է եղել իրանական «Վիլայաթ ալ-Ֆաքիհ» խմբավորման հետ», — նշում է պարբերականը։
Հաղորդվում է, որ խմբավորման անդամները գաղտնի հանդիպումներ են անցկացրել ինչպես երկրի ներսում, այնպես էլ դրա սահմաններից դուրս՝ էմիրաթցի երիտասարդներին հավաքագրելով արգելված կազմակերպությունների շարքերը։ Բացի այդ, խմբավորումը միջոցներ է փոխանցել այդ կազմակերպություններին։
