ԱՄՆ նախագահ Դոնալդ Թրամփը հայտարարել է, որ Իսրայելը որևէ ազդեցություն չի ունեցել Իրանի դեմ ռազմական գործողություն սկսելու Վաշինգտոնի որոշման վրա։ Այս մասին նա գրել է Truth Social սոցիալական ցանցում։
«Իսրայելը երբեք ինձ չի համոզել պատերազմ սկսել Իրանի դեմ. դա արեցին հոկտեմբերի 7-ի [2023թ. ՀԱՄԱՍ-ի հարձակումը Իսրայելի վրա] հետևանքները, ինչպես նաև իմ վաղեմի համոզմունքը, որ ԻՐԱՆԸ ԵՐԲԵՔ ՉՊԵՏՔ Է ՈՒՆԵՆԱ ՄԻՋՈՒԿԱՅԻՆ ԶԵՆՔ», — նշել է նա։
Թրամփը նաև խստորեն քննադատել է լրատվամիջոցներին՝ հայտարարելով, որ հրապարակվող տեղեկատվության զգալի մասը, այդ թվում՝ տարբեր սոցհարցումները, արժանահավատ չեն։ Նա պնդում է, որ «նրանց ասածների 90%-ը սուտ է և հորինվածք», իսկ հարցումները, ըստ նրա, կեղծված են «ճիշտ այնպես, ինչպես կեղծվել էին 2020 թվականի նախագահական ընտրությունները»։
«Ինչպես Վենեսուելայի արդյունքների դեպքում, որոնց մասին ԶԼՄ-ները չեն սիրում խոսել, Իրանում արդյունքները կլինեն ապշեցուցիչ. և եթե Իրանի նոր առաջնորդները խելացի գտնվեն, երկիրը կարող է ունենալ փառահեղ և բարգավաճ ապագա», — հավելել է նա։
