«Ուժեղ Հայաստան» կուսակցության
խորհրդի անդամ Ալիկ Ալեքսանյանը հինգ հարց է ուղղել Սամվել Կարապետյանին, և այդ հարցուպատասխանի
ժամանակ Սամվել Կարապետյանը խոսել է Սյունիքը կորցնելու մասին։ Այս խոսույթը պարբերաբար
օգտագործվում էր ամենատարբեր ընդդիմադիր ուժերի կողմից, որը, սակայն, ժամանակի ընթացքում
հերքվեց, բայց Սամվել Կարապետյանը նոր ալիք է ուզում սկսել այդ մասով։
Թեմայի վերաբերյալ զրուցել ենք
ԱԺ «Քաղաքացիական պայմանագիր» խմբակցության պատգամավոր Արուսյակ Մանավազյանի հետ։
«Առհասարակ իրենց խոսույթը վերջին
շրջանում դարձել է փրփուրներից կախված լինելու խոսույթ։ Մի ուժ, որը գործուղված է ՀՀ,
բոլորիս համար պարզ է՝ ինչ ելք են ունենալու ընտրություններն իրենց ներկայությամբ,
բայց այդ ուժն այսօր եկել ու խոսում է Սյունիքը կորցնելուց, խոսում է անվտանգությունից։
Իհարկե գիտենք, թե որտեղից են գալիս այդ խոսույթները, իրենք տեսնում են նաև մեր քաղաքացիների
վերաբերմունքը իրենց խոսույթին և իրենց»,- ասաց պատգամավորը։
Նրա խոսքով՝ այսօր իրենք խոսում
են խաղաղությունից և ունեն ձեռք բերված խաղաղություն, բայց նրանք իհարկե պատերազմի
կուսակցություն են, պատերազմի ներկայացուցիչներն են, բայց եկել են այդ խոսույթն առաջ
տանելու, և միանշանակ պետք է մարդկանց ահաբեկեն նման վախերով, բայց չեն հասկանում,
որ այսօր մեր քաղաքացիները շատ իրավագիտակից են և թացը չորից տարբերում են։
Մանրամասն՝ տեսանյութում
Լիլիթ Թադևոսյան
