Վերջին մեկ օրվա ընթացքում Լիբանանի հարավ-արևելքում Իսրայելի ռազմաօդային ուժերի իրականացրած ավիահարվածների հետևանքով զոհվել է առնվազն 13 մարդ, ևս 59-ը ստացել են վնասվածքներ։

Այս մասին X սոցիալական ցանցում հայտնել է հանրապետության առողջապահության նախարարությունը։

«Ռազմական էսկալացիայի սկզբից՝ մարտի 2-ից ի վեր, զոհերի ընդհանուր թիվը հասել է 2 534-ի, վիրավորներինը՝ 7 863-ի», — նշվում է գերատեսչության ամփոփագրում։

Գերատեսչությունից նաև հավելել են, որ զոհերի և տուժածների թիվը կարող է աճել՝ հաշվի առնելով, որ Իսրայելը շարունակում է հարձակվել «Հեզբոլլահի» օբյեկտների վրա Լիբանանի հարավում և արևելքում։