ԱԺ ութերորդ գումարման «Քաղաքացիական պայմանագիր» խմբակցության պատգամավոր Տիգրան Պարսիլյանն ընդդիմության համախմբում իրականում չի պատկերացնում, որովհետև այն ուժերը, որոնք հավաքվել էին իրար շուրջ, որպես իբրև  ընդդիմադիր թևեր՝ իրարից տարբերվում էին իրենց կառուցվածքային և գաղափարական առումով։

«Գործ ունենք «Հայաստան» դաշինքի հետ, որը առնվազն քաղաքական է։ Ճիշտ է՝ իրենց օրակարգը և նպատակը սեփական գողոնը պահպանելն ու պաշտպանելն է, բայց առնվազն այնտեղ կային քաղաքական գործիչներ, որոնք կարող էին ունենալ և քաղաքական խոսք, և՛ այլն։ Հասկանալի է, որ իրենք փորձում էին «Գյումրի 2 անել», չստացվեց, հասկացել են, որ էդ տարբերակով չկարողացան ժողովրդին խաբել, հիմա փորձում են կոնսոլիդացնել այդ ուժերը, բայց կոնսոլիդացնեն ինչ անեն, չի հասկացվում»,- ասաց պատգամավորը։

Նրա խոսքով՝ ապագայում այս ուժերին առնվազն գոնե մի բան սկսում է  կապել, դա հանցակցությունն է, այսինքն՝ այս ուժերը նոր գործերով դառնում են հանցակիցներ և արդեն  ունենում են փոխադարձ շահեր և կարծում է, որ սա կստիպի իրենց որոշակի կոնսոլիդացիա ունենալ։

Մանրամասները՝ տեսանյութում

Լիլիթ Թադևոսյան