Ռուսաստանը, վառելիքի ներքին շուկայում առկա խնդիրների ֆոնին, պատրաստվում է Հարավային Կորեայի միջով ներկրել Ճապոնիայում արտադրված ավիակերոսինի խմբաքանակ։
Խմբաքանակի ծավալը կկազմի առնվազն 200 հազար բարել, հղում անելով ոլորտի երեք աղբյուրների՝ հայտնում է Reuters-ը։
Ենթադրվում է, որ բեռը ճապոնական Չիբայից կուղարկվի հուլիսի առաջին կեսին, իսկ հարավկորեական Յոսու նավահանգստի շրջանում այն կտեղափոխվի մեկ այլ տանկեր, որը կուղևորվի դեպի վերջնական նպատակակետ, որը չի նշվում։
Վերջին անգամ նման երթուղով մատակարարում, ինչպես պնդվում է նյութում, իրականացվել է 2022 թվականի փետրվարին, այսինքն՝ դրա վերաբերյալ պայմանավորվածությունները ձեռք էին բերվել մինչև ռուս-ուկրաինական պատերազմի սկիզբը և այն պահը, երբ Մոսկվան Ճապոնիան ներառեց ոչ բարեկամական երկրների ցուցակում։
