ՆԱՏՕ-ի գլխավոր քարտուղար Մարկ Ռյուտեն երիտասարդ ռուսներին կոչ է արել չմտնել Ուկրաինայի դեմ պատերազմող բանակի շարքերը՝ նշելով, որ հակառակ դեպքում նրանք ռիսկի են դիմում հայտնվելու այն տասնյակ հազարավոր զինվորների շարքում, որոնք ամեն ամիս զոհվում են առաջնագծում: Ռյուտեն այսպիսի հայտարարությամբ է հանդես եկել Անկարայում՝ դաշինքի գագաթնաժողովից առաջ, պատասխանելով The Insider-ի հարցին, թե ինչ պետք է տեղի ունենա, որ Ռուսաստանի նախագահ Վլադիմիր Պուտինը փոխի իր դիրքորոշումը բանակցություններում։
Ռյուտեն հայտարարել է, որ Ռուսաստանի նախագահ Վլադիմիր Պուտինը պատրաստ է զոհաբերել իր քաղաքացիներին հանուն պատերազմի։
«Հիշե՛ք. դուք կարող եք լինել այս կամ հաջորդ ամիս զոհվող 30 հազար մարդկանցից մեկը։ Ձեր նախագահ Վլադիմիր Պուտինը պատրաստ է զոհաբերել ձեզ։ Այնպես որ, լավ մտածեք, նախքան բանակ մտնելը»,- նշել է ՆԱՏՕ-ի գլխավոր քարտուղարը։
