Ռուսաստանը շարունակում է կապ պահպանել Թուրքիայի հետ այդ երկրին մատակարարված С-400 զենիթահրթիռային համակարգերի վերաբերյալ։ Այս մասին ճեպազրույցում հայտարարել է ՌԴ նախագահի մամուլի քարտուղար Դմիտրի Պեսկովը։
«Այս թեման պատկանում է գերզգայուն ոլորտին։ Մենք այս թեմայով կապեր ենք ունեցել թուրքական կողմի հետ և շարունակելու ենք շփումները», — ասել է Կրեմլի ներկայացուցիչը։
Պեսկովը չի մանրամասնել, թե կոնկրետ ինչ հարցեր են քննարկվում ռուս-թուրքական շփումների ընթացքում՝ նշելով միայն, որ թեման զգայուն է։
Ս-400 համակարգերի մատակարարումը Թուրքիային նախկինում լուրջ տարաձայնությունների պատճառ էր դարձել Անկարայի և Վաշինգտոնի միջև՝ հանգեցնելով ԱՄՆ-ի պատժամիջոցների և Թուրքիայի՝ F-35 կործանիչների ծրագրից դուրս մնալուն։
