Եթե Հայաստանը համարում է, որ Գյումրիում ռուսական բազան իրեն պետք չէ, մենք դուրս կգանք թեկուզև վաղը, ճեպազրույցի ժամանակ ասել է Ռուսաստանի նախագահ Վլադիմիր Պուտինը։
«Հայաստանը պատրա՞ստ է դրան։ Մենք ոչ մեկին
ոչինչ չենք պարտադրելու։ Իսկ եթե հայ ժողովուրդը ցանկանում է, որ լինի ինչ-որ ռուսական
ռազմական ներկայություն, մենք կմնանք», - ասել է Ռուսաստանի նախագահը։
Պուտինը նշել է, որ Ռուսաստանը և Հայաստանը պայմանավորվել
են ԵԱՏՄ-ի և ԵՄ-ի շուրջ երկխոսությունը վարել հանգիստ ռեժիմում, ուստի Փաշինյանին
հրավիրել է Մոսկվա, որպեսզի «նստեն և անցնեն տարբեր կետերով»։
Այդ երկկողմ բանակցությունների թվում
Ռուսաստանի ղեկավարը նշել է Երևանի ընտրությունը հօգուտ ԵԱՏՄ-ի կամ ԵՄ-ի և Հայաստանի
երկաթուղիների կոնցեսիան։
Նա հիշեցրել է, որ Հայաստանը զգալի օգուտներ
է ստանում ԵԱՏՄ-ի շրջանակներում, և խոսքը ոչ միայն էներգակիրների գներին է
վերաբերում։
«Մեզ հայ ժողովրդի հետ կապում են բարեկամության
պատմական թելերը, և նույնիսկ ավելին, քան բարեկամության. մենք հայերի հետ
փոխհարաբերությունների խոր արմատներ ունենք, ընդհանրապես հայ ժողովրդի, հայերի հետ,
այդ թվում և աշխարհի այս տարածաշրջանում։ Սակայն պարզապես երկու
կազմակերպություններում միաժամանակ գտնվելը անհնար է. բուսասանիտարական նորմերը,
տեխնիկական ստանդարտները և շատ այլ բաներ այսօրվա դրությամբ անհամատեղելի են»,- ասել
է Պուտինը։
