Թեհրանը մտահոգություն չունի TRIPP-ի վերաբերյալ, այսօր Երևանում հայտարարել է Իրանի արտգործնախարարը: 

 ՄԱԿ-ի կենսաբազմազանության համաժողովին՝ COP 17-ին մասնակցող Աբբաս Արաղչին «Ազատությանն» ասաց՝ «վստահում են իրենց հայ եղբայրներին»: 

 Այլ լրագրողների հետ ճեպազրույցում Արաղչին նշել է, որ Թեհրանը մտահոգություն ունի տարածաշրջանում և Իրանի շուրջ ԱՄՆ-ի ցանկացած ներկայության վերաբերյալ, բայց կոնկրետ TRIPP-ի հարցում գիտեն, որ իրենց հայ գործընկերները «ոչինչ չեն անում Իրանի անվտանգության դեմ»: