«Բռնել, 44-օրյա պատերազմ են հրահրել մեր դեմ»․ Արամ Վարդևանյանն ընդդեմ սեփական կուսակցության նարատիվի

 «Ուժեղ Հայաստան»  խմբակցության պատգամավոր, ԱԺ փոխնախագահ Արամ Վարդևանյանը «Հանրային հեռուստաընկերության» եթերում, վերջապես, այսքան տարի անց առերեսվել է իրականությանը՝ անելով ճշմարիտ խոստովանություն։  Խոսելով Նոր Սահմանադրության ընդունման,  դրա՝ Ադրբեջանի կողմից պարտադրված լինելու մասին՝ Վարդևանյանը պատասխանել է Պետրոս Ղազարյանի հարցին, թե՝ ինչո՞ւ են ժողովրդին խաբում, ասելով, որ նոր Սահմանադրության ընդունմամբ Ալիևն է որոշելու է մեր նիստուկացը։ «Դուք իրանց (Ադրբեջանին-խմբ․) ինչի՞ եք հավատում։ Ի՞նչ են արել, որ հավատաք։ Բռնել են, 44-օրյա պատերազմ են հրահրել մեր դեմ, հազարավոր զոհեր են մեզ տվել, դրանից հետո Արցախը հայաթափել են։ Դրանց ի՞նչն եք հավատում»,-ի պատասխան հաղորդավարի հարցի՝ ազդարարել է նախկին նախագահ Ռոբերտ Քոչարյանի նախկին թիմակիցը։  

Ուշագրավ է, որ Արամ Վարդևանյանը կարկառուն ներկայացուցիչն  է այն կուսակցության՝ ՈՒՀԿ-ի, որը այս ողջ ընթացքում կառավարող ուժի ղեկավարին էր մեղադրում «երեք պատերազմ բերելու մեջ», անվանում «եռապատերազմի» կուսակցություն՝ նկատի ունենալով, որ այդ թվում 44-օրյա պատերազմը Նիկոլ Փաշինյանն է «հրահրել»։

Ի դեպ, Նիկոլ Փաշինյանին 44-օրյա պատերազմը «բերելու» մեջ Վարդևանյանը մեղադրում էր նաև 2022 թվականին, տխրահռչակ «Դիմադրության շարժման» օրերին, միայն թե՝ որպես «Հայաստան» խմբակցության պատգամավոր։ Փաստորեն, «ուժեղ»-ական դառնալուց հետո Վարդևանյանի մոտ գիտակցության պայծառացում է տեղի ունեցել ու նա սկսել է ճշմարտությունն ասելը գերադասել սեփական պետության դեմ կեղծ ցուցմունք տալուց՝ տալով  «պատերազմը հրահողի» անունը։ Գովելի է, ինչ խոսք։ Ինչպես ասում են՝ «Так держать!»։ 

Մնում է հուսալ, որ կուսակցության նարատիվներից մեկը ջախջախելու համար ԱԺ փոխնախագահը «շտռաֆի» չի ենթարկվի՝ դրանից բխող հետևանքներով։