«Կա նպատակ, որը քաղաքական թիմը
դրել է իր առջև ու առաջ է շարժվում։ ԵՄ-ին ինտեգրվելը մեր օրակարգն է, բայց եթե հանրաքվեի
նպատակը այն է, որ իմանանք ժողովրդի տեսակետը, ապա ժողովրդի տեսակետը մենք շատ լավ
գիտենք։ ԵՄ-ին ինտեգրվելու քայլերի հաջորդականություն կա, որտեղ հանրաքվեն առաջնահերթ
չէ»․ Այս մասին նշում է Ազգային Ժողովի «Քաղաքացիական պայմանագիր»
խմբակցության պատգամավոր Լուսինե Բադալյանը՝ անդրադառնալով հարցին, թե որքանով է նպատակահարմար
աշնանը հանրաքվե անցկացնել ԵՄ-ին ինտեգրվելու հայտ ներկայացնելու համար։
Բադալյանը շեշտում է, որ հանրաքվեով
չի ամրագրվում ԵՄ-ին անդամության թեկնածու հայտ ներկայացնելը, կամ ԵՄ անդամ դառնալը,
ինչ վերաբերվում է ՌԴ-ի հետ հետագա հարաբերություններին, Բադալյանը ասաց․ «Մենք ՌԴ-ի հետ հարաբերությունները
փչացնելու կարիք չունենք, ՀՀ-ն որպես անկախ պետություն իրավասու է ընտրել իր հետ համագործակցող
պետությունների չափը որոշել»։
Պատգամավորը նշում է, որ ՀՀ-ն
հաստատուն քայլերով շարժվում է դեպի խաղաղության օրակարգ ու խաղաղության պայմանագրի
կնքումը և երբ Ալիևը առաջ է քաշում ՀՀ-ի Սահմանադրությունը փոխելու տեսակետը, դա խաղաղության
պայմանագրից խուսափելու միջոց է։
Մանրամասները՝ տեսանյութում։
Դավիթ Լևոնյան
