«Այդ առաքելությունը ՀՀ-ին անհրաժեշտ է։ Շատ սահմանային վեճեր ու բախումներ այդ առաքելությունը կանխում է, ու Գալուզինի հայտարարությունը իր վերաբերմունքն է Արևմուտքին»: Այս մասին ասաց Ազգային ժողովի «Քաղաքացիական պայմանագիր» խմբակցության պատգամավոր Սերգեյ Բագրատյանը՝ անդրադառնալով ՌԴ փոխարտգործնախարար Գալուզինի հայտարարությանը, թե Հայաստանում ԵՄ առաքելության միջոցով ՆԱՏՕ-ն ներթափանցում է Հրվ. Կովկաս։

Ինչ վերաբերում է Գալուզինի այն խոսքին, որ եվրոպական առաքելությունը ՀՀ-ում տեղակայված է նաև ի հեճուկս Իրանի ու Թուրքիայի, Բագրատյանը ասաց. «Թուրքիան ԵՄ անդամակցությանը ձգտող երկիր է, ու նա չի կարող այդ կառույցի ներկայացուցիչներին թշնամի դիտարկել։ ՌԴ-ն պարզապես ցանկանում է դաշնակիցներ ձեռք բերել ի հեճուկս ԵՄ առաքելության»։

Բագրատյանը նշեց, որ ԵՄ-ն ողջունում է ՀՀ-ում ժողովրդավարությունը և աջակցում է Հայաստանին. «Պետք է կարողանանք բոլորի հետ հարաբերություններ կառուցել, մեզ պետք չեն թշնամիներ տարածաշրջանում կամ տարածաշրջանից դուրս։ Եթե մենք անվտանգային խնդիրներ ունենք, ու մեր անվտանգային դաշնակից ՌԴ-ն չի արձագանքում խնդիրներին, հետևաբար պետք չի, որ խանգարի, որպեսզի մեր անվտանգությունը ապահովենք մեր ուժերով»։

Պատմական սխալ էր, որ մեր անվտանգությունը ամբողջությամբ ՌԴ-ից էր կախված. «Վերջերս ԱՄՆ-ի հետ հեռանկարային ռազմավարական դաշնակցային հարաբերությունների հարցը քննարկվեց»։

Մանրամասն՝ տեսանյութում։

Դավիթ Լևոնյան