«Գյումրու ավագանու «Քաղաքացիական պայմանագիր» խմբակցության կազմում
փոփոխություն է տեղի ունեցել»: Այս մասին տեղեկանում ենք Գյումրու ավագանու «Քաղաքացիական
պայմանագիր» խմբակցության ղեկավար Քնարիկ Հարությունյանի էջից։
Վերջինս տեղեկացրել է, որ վաղաժամ դադարել են ավագանու
5 անդամի՝ Նիկոլայ Գևորգի Ղազարյանի, Հարություն
Հմայակի Նիկողոսյանի, Երվանդ Սամվելի Խանամիրյանի, Աղասի Գրիգորի Մաթևոսյանի և Հասմիկ
Ստեփանի Ստեփանյանի լիազորությունները: Նրանց ավագանու կազմում փոխարինել են Անժելա
Գևորգի Մաթոսյանը, Նարեկ Հովհաննեսի Բեկզադյանը, Վոլոդյա Գառնիկի Հակոբյանը, Հայկ Ստեփանի
Ստեփանյանը, Պարգև Տիգրանի Գևորգյանը:
«Գյումրու ավագանու «Քաղաքացիական պայմանագիր» խմբակցության թիվ
31 ընտրատարածքային ընտրական հանձնաժողովի հրավիրած նիստում մանդատներն այսօր հանձնվել
են»,- հայտնել է Քնարիկ Հարությունյանը:
