Ժողովրդավարական ուժերի հարթակը այսօր Եվրոպայի հրապարակում ազդարարեց, որ նախաձեռնում
է ստորագրահավաք՝ ԵՄ անդամակցության նպատակով։
Թեմայի վերաբերյալ Civic.am-ը զրուցել է «Հանուն Հանրապետության» կուսակցության փոխնախագահ
Ռուբեն Մեհրաբյանի հետ։
«Անհրաժեշտ է 50 000 ստորագրություն,
վստահ եմ՝ դա հավաքվելու է օրենքով սահմանված ժամկետում, որից հետո այն ներկայացվելու
է ԱԺ-ին, որպեսզի այնտեղ համապատասխան գործընթաց սկսվի, որի արդյունքում, այո, Հայաստանը
կդիմի ԵՄ-ին՝ լիիրավ անդամակցության հայտով։ Հենց այս մեկնարկ ստացած գործընթացի իմաստը
դա է»,- ասաց Ռուբեն Մեհրաբյանը։
Նա նաև նշեց, որ մեր հասարակությունը
պատրաստ է այդ գործընթացին, և Նիկոլ Փաշինյանն էլ գիտի, որ պատրաստ է, նա հայտարարեց,
որ ժողովրդի կարծքիը գիտի, իրենք ևս գիտեն, և վստահ է, որ իրենք գիտեն նույն բանը:
Հիմա, նրա խոսքով, այս ամենը պետք է իր իրավաբանական տեսքը ստանա, նաև այդ մասնակիցները՝
50 000 թվով, կստանձնեն անձնական պատասխանատվություն և անձնական առաքելություն մեր
պետությունը ԵՄ անդամ դարձնելու այս գործը ստանձնելով։
«Այնպես ստացվեց, որ այսօր Բրյուսելում
շատ կարևոր միջոցառում պետք է տեղի ունենա, և մենք ունենք ԵՄ աջակցությունը թե Խաղաղության
եվրոպական հիմնադրամի այդ գործիքակազմից օգտվելու համար, խոսքը վերաբերում է ոչ լետալ
պարագաներին՝ բանակին վերաբերող, դրանից օգտվելու և նաև առանց վիզայի ռեժիմ հաստատելու
շուրջ բանակցային գործընթացի մեկնարկի հետ կապված»,- ասաց քաղաքագետը։
Մանրամասն՝ տեսանյութում
Լիլիթ Թադևոսյան
