Հայաստանը պետք է պատրաստ լինի
ցանկացած քայլի ՌԴ-ի կողմից, իրենք տանում են իռացիոնալ քաղաքականություն։ ՌԴ-ն շատ վատություն է արել ՀՀ-ին ու Ադրբեջանի միջոցով
ՀՀ-ին փորձում է ծնկի բերել։ Այս մասին civic.am-ի հետ զրույցում նշեց քաղաքագետ Դավիթ
Ստեփանյանը՝ անդրադառնալով Պեսկովի հայտարարությանը,
որով հույս է հայտնել, որ ՀՀ-ն չի շարժվի Ուկրաինայի
ճանապարհով։
Ստեփանյանը հնարավոր վտանգները
հաշվի առնելով նշում է, որ եթե Վրաստանը վերջնականապես թեքվի դեպի Ռուսաստան, ապա պետք
չի բացառել, որ ՌԴ-ն ինչ-որ պահի կարող է Վրաստանի տարածքով հարձակվել Հայաստանի վրա։
Ստեփանյանը խոսելով ժողովրդավար
ուժերի առաջարկած ԵՄ-ին անդամակցության համար հանրաքվե անցկացնելուն նշում է, որ վտանգ
այդ առումով չի տեսնում․ «Հանրաքվեի նպատակը այն է, որ ցույց տանք աշխարհին, որ ՀՀ-ն
չի կրկնելու Սերժ Սարգսյանի սխալը։ ԵՄ-ում ու ԱՄՆ-ում կան կասնածներ, որ նմանատիպ որոշում
ևս մեկ անգամ կարող է լինել»։
Քաղաքագետը կարծում է, որ եթե
հանրաքվեն տեղի չունենա, ապա դա կօգտագործվի իշխանության դեմ և իշխանությունը չպետք
է հրաժարվի այդ առաջարկից․ «Եթե մենք հանրաքվե անցկացնենք ու տանք ԵՄ-ին անդամակցության
հայտ, ապա դրանով անցյալի վերադարձ չի լինելու։ Ես վստահ եմ, որ ԵՄ-ին այլընտանք չկա։
Եթե մենք գնանք բելառուսացման ճանապարհով, ապա ռուս-թուրքական
գործարքը կլինի ու Հայաստանը կկիսեն»։
Մանրամասները՝ տեսանյութում։
Դավիթ Լևոնյան
