Կարծում եմ Իրանը որոշակի սահմանափակ հարվածներ կհասցնի Իսրայելին ու դա կարող
է լինել և՛ իրանական պրոքսիների միջոցով, և/ ուղիղ Իրանից հրթիռային և դրոնային հարվածներով։ Այս մասին նշում է քաղաքագետ
Էդգար Առաքելյանը՝ անդրադառնալով Իրանի նախագահի հայտարարությանը, որ Իսրայելին կստիպեն
զղջալ ՀԱՄԱՍ-ի առաջնորդ Հանիեի սպանության համար։
Առաքելյանի խոսքով՝ երկար ժամանակ է ԱՄՆ-ն զսպում է
Իսրայելին, որպեսզի լայնածավալ գործողություններ չլինեն․
«Դա կարող է հարված լինել դեմոկրատական կուսակցությանը և Բայդենի վարչակարգը կփորձի
զսպել Իսրայելին։ Բայց ԱՄՆ-ում հասկանում են, որ Իրանը չի կարող ուղղակի կուլ տալ և
անցնել, զուտ թեկուզ դեմքը փրկելու համար Իրանը որոշակի սահմանափակ
հարվածներ կհասցնի Իսրայելին»։
Անդրադառնալով Զվարթնոց օդանավակայանից
ռուս խաղաղապահների դուրսբերմանը՝ Առաքելյանը նշեց, որ նույնը կարող է լինել նաև իրանական
սահմանում, քանի որ Իրանը չէր ցանկանա, որ հայ-իրանական սահմանի անցուդարձը վերահսկեն ռուսական հատուկ ծառայությունները․ «Տրամաբանական կլինի, որ հաջորդ քայլով ռուսական ФСБ զորքերը դուրս գան հայ-իրանական
սահմանից։ Մեզ էլ պետք է հետաքրքրի մեր քաղաքացիների ազատ ելք ու մուտքի խնդիրները
ու եթե ՌԴ-ի հատուկ ծառայությունները մուտք ունեն մեր սահմանային բազաներին, դա բնականաբար սուվերենության ու անվտանգության խնդիր է»։
Մանրամասները՝ տեսանյութում։
Դավիթ Լևոնյան
