Սա անկախության գործընթաց է և Հայաստանի պետականության ամրապնդումը, ինչը անշրջելի է։ Այս մասին civic.am-ի հետ զրույցում նշեց ՔԺԿ առաջնորդ Լևոն Շիրինյանը՝ անդրադառնալով «Զվարթնոց» օդանավակայանից ռուս սահմանապահների դուրս գալուն։
Ըստ նրա՝ էվոլյուցիոն ճանապարհով
պետք է գնալ և հաջորդիվ ռուսներին դուրս բերել նաև հայ-իրանական և հայ-թուրքական սահմանից․ «Հայաստանի և Իրանի միջև Ռուսաստանն ի՞նչ գործ ունի։ Ռուսաստանն ավանդականորեն պատերազմներ
հրահրող, խառնակչություններ անող և դրա միջոցով մնացող ուժ է։ Ռուսաստանը կարող է մեր
ու Իրանի միջև կոնֆլիկտ առաջացնել», - ասաց Շիրինյանը։
Ըստ քաղաքագետի՝ ԱՄՆ-ում վարչակարգ չի փոխվելու, Բլինքենը մնալու
է, ԱՄՆ ռազմավարական շահերը չեն փոխվելու և
ԱՄՆ-ի հետ պետք է աշխատել հայ-թուրքական սահմանը բացելու ուղղությամբ։
Ռուսաստանը, Շիրինյանի կարծիքով, բավարար ռեսուրս չունի Հայաստանի
նկատմամբ «պատժիչ» գործողություններ իրականացնելու։ «Եթե ի վիճակի լիներ Հայաստանի
հարցը լուծել՝ վաղուց լուծել էր։ Դրա համար քարոզչական պատերազմն է ուժեղացրել։ Հայաստանում ցնցումներ անելու համար նրա ուժը Ադրբեջանն է, որովհետև վերջինս շահագրգիռ է, բացի
դա Ադրբեջանում ռուսական ԿԳԲ-ի իշխանության շարունակությունն է։ Մեզ երկրորդ թուլացնողը հայ ռևանշիզմն է։ Գալստանյանը ռուսական գործիք է, և հայ ժողովրդի, պետականության ոխերիմ
թշնամին սրանք են»,-նշեց քաղաքագետը։
Նրա կարծիքով՝ ընդդիմությունը, եկեղեցին բավարար ուժ չունեն։
Աշնանն էլ խոստացած թափը, թեժությունը չեն կարողանա ապահովել։
Մանրամասն՝ տեսանյութում
Վովա Հակոբյան