Վարչապետ Նիկոլ Փաշինյանն այցելել է Տավուշի մարզ՝ ծանոթանալու 2023 թվականին իրականացված և այժմ ընթացքի մեջ գտնվող ծրագրերին:
«Առաջին կանգառը Դիլիջանում էր: Ծանոթացա դեպի «Լեռնային Հայաստան» առողջարան տանող ավտոճանապարհի 2․2 կմ հատվածի հիմնանորոգման աշխատանքներին:
Ծրագրի արժեքը 234 մլն դրամ է, որը հատկացվել է պետական բյուջեից»,- գրել է նա ֆեյսբուքի իր էջում:
Վարչապետը ՏԿԵ նախարարի հետ զրույցում դիտողություն է արել Դիլիջան-Վանաձոր, Սպիտակ-Վանաձոր ճանապարհի ասֆալտապատման գործընթացի վերաբերյալ. «Ահավոր մեծ դիսկոմֆորտ է ստեղծվում»։
