10 ամիս է մենք ականատես ենք,
թե ինչպես է սրվում հակամարտությունը։ Իրանը աջակցում է Պաղեստինյան Համաս խմբավորմանը
ոչ միայն դիվանագիտական հակամարտությունում, այլև գործի դնելով իր հովանավորյալ խմբավորումներին՝
լիբանանյան Հըզբոլահ շարժմանը, Եմենի հութիներին և այլն։ Civic.am-ի հետ զրույցում
նշեց միջազգայնագետ Արմեն Պետրոսյանը՝ անդրադառնալով Իրան-Իսրայել հակամարտությանը։
Պետրոսյանը կարծում է, որ լայնամասշտաբ
պատերազմ չի լինի․ «Իսրայելը ցանկանում է Իրանին ներքաշի ուղիղ պատերազմի մեջ,
բայց ԱՄՆ-ն ևս խուսափում է դրանից։ Իրանը կարող է պարզապես թիրախային հարված հասցնել։
Մյուս կողմից ԱՄՆ-ն չի կարող որևէ քայլ անել, որը կվնասի Իսրայելի անվտանգությանը,
որովհետև դա կլինի թուլության նշան ու բացի այդ ԱՄՆ ընտրություններում մեծ ազդեցություն
ունի նաև հրեական լոբբի-ն ու դեմոկրատների վերընտրվելու հնարավորությունը կբարդանա,
եթե ԱՄՆ-ն չաջակցի Իսրայելին»։
Արևելագետի խոսքով հիմա իրանա-իսրայելական
լայնամասշտաբ պատերազմը քիչ հավանական է, որովհետև ԱՄՆ-ն ու Իրանը չեն ցանկանում․ «Իրանը չի ցանկանում ընկղմվել
պատերազմի մեջ, որովհետև նա հայնտվելու է այն նույն իրավիճակում, որի մեջ հայտնվել
է ՌԴ-ն։ Իրանը չի կարող իրեն թույլ տալ այնպիսի գործողություն, որը կենթադրի Իսրայելի
կողմից պատերազմ սկսելուն»։
Ըստ Պետրոսյանի՝ եթե սկսվի իրանա-իսրայելական
պատերազմ, ապա Հրվ․ Կովկասը ու ամբողջ Մերձավոր Արևելքը չի կարող զերծ մնալ պատերազմից․ «Առկա է իսրայելական ներկայություն
Ադրբեջանի տարածքում Իրանի սահմանի մոտ, և պատերազմի դեպքում Իսրայելը կօգտագործի նաև
այդ հնարավորությունը, իսկ Իրանը կթիրախավորի Իսրայելի հետախուզական դիրքերը Ադրբեջանում»։
Արևելագետը նշում է, որ խոշոր
պատերազմի համար հարկավոր է լայն կոնսեսուս Իրանի դեմ․ «ԱՄՆ-ն, Եվրոպան, Իսրայելը,
ԱՄԷ-ն, Կատարը, Բահրեյնը, որտեղ կա ԱՄՆ-ի ռազմական ներկայություն, այս խաղացողների
մոտ պետք է կոնսեսուս լինի։ Եվ այդտեղ յուրաքանչյուրը իր խաղադրույքներն է կատարելու։
Նման դեպքում Ադրբեջանն էլ կփորձի իր նպատակներին հասնել, այն է այսպես կոչված «Զանգեզուրի
միջանցքին» և այլն։ Բայց նման պատերազմի հավանականությունը շատ ցածր է»։
Մանրամասները՝ տեսանյութում։
Դավիթ Լևոնյան
