Չի արտահայտվում մի միտք, որը մտածելու առիթ տա։ Պարզունակ հայտարարություններ են հոգևորականի կողմից, որոնք չեն տեղավորվում հոգևոր դաշտում և չեն տեղավորվում քաղաքական դաշտում։ Այս մասին civic.am-ի հետ զրույցում նշում է ԱԺ «Քաղաքացիական պայմանագիր» խմբակցության պատգամավոր Լուսինե Բադալյանը՝ անդրադառնալով Բագրատ Գալստանյանի մի քանի հայտարարություններին, որոնք իրենց մեջ պարունակում են վիրավորանքներ ու սնոտիապաշտություն։

Բադալյանի կարծիքով` Գալստանյանի ելույթները հակասում են քրիստոնեության գաղափարախոսությանը և պատվիրաններին։ Ինչ վերաբերում է Գյումրիում կայացած Թաթա Սիմոնյանի համերգից հետո որոշ մարդկանց կողմից երգչի հասցեին հնչեցրած վիրավորանքներին, Բադալյանը ասաց․ «Մարդիկ կարող են հավանել Թաթայի կամ Սիրուշոյի երգերը ու լսեն, չպետք է քաղաքական բնորոշում տալ նման դեպքերում։ Դա վտանգավոր բան է։ Չի կարելի արվեստ քաղաքականացնել ու մեղադրել մարդկանց, ովքեր գնում են լսելու իրենց սիրելի արտիստին»։

Բադալյանը խոսելով հայ-ռուսական հարաբերությունների մասին՝ նշեց, որ ՀՀ-ն դեմ չի ինչպես ՌԴ-ի, այնպես էլ աշխարհի մնացած պետությունների հետ․ «ՀՀ-ն ազատ, անկախ ու ինքնիշխան պետություն է, որը ձեքռ է բերում գործընկերներ, այստեղ ինչ-որ ողբերգություն տեղի չի ունենում, որից սրտնեղում է Մարիա Զախարովան։ ՌԴ-ում պետք է ընդունեն, որ ՀՀ-ն ազատ ու ինքիշխան պետություն է»։

Մանրամասները՝ տեսանյութում։