ԵՄ դիտորդական առաքելության ներկայությունը Հայաստանում ՀՀ-ի և ԵՄ-ի միջև քննարկվելիք հարց է: Այդ մասին ԱԺ-ում ճեպազրույցի ժամանակ ասաց ԱԺ արտաքին հարաբերությունների մշտական հանձնաժողովի նախագահ Սարգիս Խանդանյանը՝ արձագանքելով խաղաղության պայմանագրի կնքման գործընթացի շրջանակում ադրբեջանական կողմի դիտարկմանը, թե ԵՄ դիտորդները պետք է հեռանան ՀՀ-ից:

«ԵՄ դիտորդները տեղակայված են ՀՀ տարածքում և մոնիթորինգ են իրականացնում սահմանի հայաստանյան կողմից, ուստի այստեղ Հայաստանն ու ԵՄ-ն պիտի որոշեն՝ երբ, ինչքան ժամկետով, ինչ անձնակազմով պետք է ներկա լինեն ԵՄ դիտորդները: