«Մենք ամսի 22-ին հավաքվելու ենք Մարզահամերգային համալիրում՝  նոր հանգրվանի առջև՝ հույսի, հաղթանակի պայքարով  լցված ու լծված՝ ի հեճուկս բոլոր ներքին բարեկամ մարդկանց ու արտաքին թշնամի մարդկանց, ովքեր  տխրում են՝ տեսնելով մեր պայքարի  բնականոնությունը, որ դուրս է գալիս իր ծիրից, մտնում էլ ավելի բնականոն ընթացքի մեջ, որը Հայաստանի սահմանադրական կարգի վերականգնում է և ի վերջո մեր հաղթանակների սկիզբը»,- այս մասին հայտարարել է Բագրատ Գալստանյանը։

Թեմայի վերաբերյալ Civic.am-ը զրուցել է «Հանուն Հանրապետության» կուսակցության փոխնախագահ, քաղաքագետ Ռուբեն Մեհրաբյանի հետ։

«Նոր հանգրվան՝ հանուն ոչնչի, հանուն ի՞նչ, ռուսական քաղաքականության ռեանիմացիայի երևի։ Ինչի հետ կապված մենք տեսնում ենք՝ նույնիսկ Իրանն է սկսել անհանգստություն դրսևորել, և, այո, Ռուսաստանն աշխատում է նաև իր պրոքսիների միջոցով, որոնք նման տեքստեր են արտաբերում։ Ես չգիտեմ էլ՝ սրա ինչը մեկնաբանեմ»,- ասաց Ռուբեն Մեհրաբյանը։

Խոսելով նաև այն մասին, որ Գալստանյանն ասել է՝ «Հայաստանում սահմանադրական կարգը պետք է վերականգնվի», Ռուբեն Մեհրաբյանն ասաց, որ նա ճիշտ կանի՝ իր գլխի մեջ սահմանադրական կարգը վերականգնի, որովհետև այնտեղ ընդամենը կարգ չկա, և անպատասխանատու հայտարարություններ անելով՝ իրավիճակ չի փոխվում։

Մանրամասն՝ տեսանյութում

Լիլիթ Թադևոսյան