Կրեմլը բացարձակապես համաձայն չէ
Հայաստանի վարչապետ Նիկոլ Փաշինյանի հետ ՀԱՊԿ-ի վերաբերյալ նրա գնահատականի հարցում,
կազմակերպությունից որևէ վտանգ չի բխում հանրապետության ինքնիշխանության համար:
Այս մասին լրագրողներին հայտնել է ՌԴ նախագահի մամուլի քարտուղար Դմիտրի Պեսկովը։
Ավելի վաղ ՀՀ վարչապետ Նիկոլ Փաշինյանը Համաշխարհային
հայկական համաժողովում հայտարարել է, որ Հայաստանը ՀԱՊԿ-ի հետ
հարաբերություններում մոտ է «անդառնալիության կետին»։ Նրա խոսքով՝
«կազմակերպությունը սպառնալիքներ է ստեղծել երկրի ինքնիշխանության համար»։
«Պետք է կտրականապես չհամաձայնենք պարոն Փաշինյանի հետ: ՀԱՊԿ-ից Հայաստանի ինքնիշխանության համար որևէ վտանգ չի կարող բխել և չի բխում: Ընդհակառակը, այս կազմակերպությունը պահպանում
է անդամ-երկրի
ինքնիշխանությունը: Բայց մենք այս
դիրքորոշումը համբերատար կերպով
կհասցնենք Հայաստանի ղեկավարությանը»,-
լրագրողներին ասել է նա։
ՌԴ նախագահի մամուլի քարտուղարը
հայտարարել է նաև, որ Ռուսաստանի Դաշնությունը շարունակում է և կշարունակի
շփումները Հայաստանի հետ։
«Մենք շարունակում ենք և կշարունակենք
շփումները Հայաստանի հետ: Անկասկած, նա մեր մտերիմ գործընկերն է», - ասել է նա
լրագրողներին՝ պատասխանելով հարցին, թե արդյոք կշարունակվե՞ն Մոսկվայի և Երևանի միջև շփումները։
