«Շատ է  խոսվում ազգային իղձերի մասին, իմ կարծիքով՝ մեր ազգային իղձը անկախությունն  է ու ինքնիշխանությունը։ Ես մեզ համարում եմ հաջողակ ազգ, որովհետև կարողացել ենք բոլոր բարդություններից հետո հիմնել անկախ պետություն, ու այդ պետականության ամրապնդման համար է, որ մենք հիմա աշխատում ենք»: Այս մասին ասաց Ազգային ժողովի «Քաղաքացիական պայմանագիր» խմբակցության պատգամավոր Արուսյակ Ջուլհակյանը՝ անդրադառնալով հարցին, թե ինչ է անկախությունը։

Ջուլհակյանը նշեց, որ իրական Հայաստանի մոդելը հենց անկախ Հայաստանի գաղափարախոսությունն է. «Կան իղձեր, որոնք ռիսկ են ստեղծում ՀՀ անկախության համար։ Իրական Հայաստանն է, որ կարող է երաշխիք դառնալ ՀՀ անկախությանն ու ամրապնդմանը»։

Ըստ Ջուլհակյանի՝ ՀՀ խնդիրը պետք է լինի տնտեսության դիվերսիֆիկացումը և մեկ կենտրոնից կախվածության նվազեցումը: Պատգամավորը կարծում է, որ հիբրիդային պատերազմ է հայտարարված Հայաստանի դեմ արտաքին ու ներքին ուժերի կողմից. «Փորձում են ականներ դնել ՀՀ անկախության տակ»։ 

Մանրամասները՝ տեսանյութում

Դավիթ Լևոնյան