ՀՀ վարչապետ Նիկոլ Փաշինյանի և Թուրքիայի նախագահ Ռեջեփ
Թայիփ Էրդողանի հանդիպմանը, որ կայացել է
Նյու Յորքում «Թուրքական տանը»՝ ՄԱԿ-ի Գլխավոր ասամբլեայի 79-րդ նստաշրջանի
շրջանակներում, Հայաստանի վարչապետը Էրդողանին է նվիրել «Խաղաղության
խաչմերուկը» և խոսել արդարացի և կայուն խաղաղության մասին, որը կարող է հաստատվել
տարածաշրջանում այդ նախագծի շնորհիվ:
Էրդողանն էլ Փաշինյանին է նվիրել իր հեղինակած
«Ավելի արդարացի աշխարհը հնարավոր է» գիրքը, որում դիտարկվում են ՄԱԿ-ի
պարտականությունները և ընդգծվում «ավելի արդարացի և կայուն միջազգային կարգ
հաստատելու» համար ՄԱԿ-ի Անվտանգության խորհրդի հիմնարար բարեփոխումների
անհրաժեշտությունը՝ «աշխարհը հինգից ավելի է» փիլիսոփայության շրջանակներում։
