Մենք երաշխավորի
ինստիտուտին այնքան էլ չենք հավատում, պետք է ինքներս կարողանանք կարգավորել մեր
խնդիրները զարգանալով և ուժեղանալով: Այս մասին նշում է ԱԺ «Քաղաքացիական պայմանագիր» խմբակցության պատգամավոր
Լիլի Մինասյանը՝ անդրադառնալով հարցին, թե խաղաղության պայմանագրի երաշխավորը որ
աշխարհաքաղաքական կյենտրոնն է լինելու, Ռուսաստա՞նը, թե՞ արևմուտքը։
Ըստ նրա՝ ներկայումս
աշխարհակարգի փլուզում է տեղի ունենում ու միամտություն է որևէ աշխարհաքաղաքական
կենտրոնի վրա հույս դնել։ Ինչ վերաբերում է ՀՀ-Եվրամիություն փոխգործակցությանը,
ապա Մինասյանը կարծում է, որ ՀՀ իշխանությունները զարգացնում են
հարաբերությունները ԵՄ-ի հետ, բայց հակառուսականության ֆոնով արևմտամետություն կառուցելը ճիշտ չէ․ «Պետական շահի տեսանկյունից պետք է նայել, թե ինչ
հնարավորություններ են մեզ անհրաժեշտ, բաց կոմունիկացիաներ»։
Պատգամավորը ասում
է, որ Թուրքիան սպասում է հայ-ադրբեջանական խնդրի լուծմանը, որպեսզի կարգավորի
խնդիրները, իսկ ինչ վերաբերվում է հայ-ադրբեջանական
հարաբերույթւոնների կարգավորմանը և փոխգործակցությանը, Մինասյանը ասում է․ «Ադրբեջանը վախենալով ռևանշիզմից
չի ուզում ՀՀ-ի զարգացում, բայց ՀՀ-ն ուզում է խաղաղություն»։
Մանրամասները՝ տեսանյութում։
Դավիթ Լևոնյան
