Հովհաննես Թումանյանի անվան ազգային
տիկնիկային թատրոնի գեղարվեստական ղեկավար Ռուբեն Բաբայանի հետ զրուցել ենք Բագրատ
Գալստանյանի՝ հանրային հեռուստաընկերություն
մտնելու, այնտեղ դրսևորած պահվածքի և հետագա գործողությունների մասին։
«Կփորձեմ դրան անդրադառնալ ոչ թե քաղաքականության տեսակետից, այլ,
միգուցե, մասնագիտական։ Կարծում եմ՝ սրբազանը չզգաց տարբերությունը հանրահավաքի և հեռուստատեսությամբ
ելույթ ունենալու միջև։ Որովհետև դրանք մի քիչ տարբեր բաներ են։ Հանրահավաքում հիմնականում
հավաքվում են քո կողմնակիցները, և հանրահավաքը միշտ կրում է ավելի շատ էմոցիոնալ բնույթ։
Հեռուստատեսությունում քո լսարանը հազարապատիկ ավելի մեծ է, և այնտեղ ոչ միայն քո կողմնակիցներն
են, և հեռուստադիտողները սպասում են տրամաբանական խոսքի, այլ ոչ թե էմոցիոնալ ելույթների,
թշնամիների, դավաճանների, դևերի, նեռերի և սատանաների մասին»,- ասաց Ռուբեն Բաբայանը։
Նա նշեց, որ Գալստանյանի Հանրայինի
եթեր գալը ուներ երկու նպատակ, առաջինը, որ քեզ կմերժեն, որը չիրականացավ, երկրորդը՝
պարզապես հայտարարել մյուս հանրահավաքի օրը, որը և հայտարարվեց, բայց տեսանք նաև դրա
արդյունքը։
«Այսօրվա Հայաստանում պահանջել
անպայման հեռուստատեսությամբ եթեր ստանալը, որտեղ լրատվամիջոցներն ազատ են, մի բան
էլ ավելի քաղաքականացված, և կարծել, որ միայն հանրայինով ելույթ ունենալով դու լայն
զանգվածներին տեղյակ կպահես՝ մի քիչ միամտություն է, չասեմ ավելին։ Արդյունքը տեսանք
հոկտեմբերի վեցին և այդ արդյունքը սպասելի էր»,- նշեց Ռուբեն Բաբայանը։
Մանրամասները՝ տեսանյութում
Լիլիթ Թադևոսյան
