Քանի որ ՀՀ իշխանությունները որոշում չունեն ի չիք դարձնել, չեղյալ համարել հայ-ռուսական
հարաբերությունները, ապա վարչապետ Փաշինյանի՝ Մոսկվա այցը տեղավորվում է տրամաբանության
շրջանակներում։ Այս մասին Civic.am-ի հետ զրույցում ասաց քաղաքագետ Էդգար Վարդանյանը։
Նրա կարծիքով՝ ՀՀ իշխանությունները գտնում են, որ ՌԴ-ն դեռ ունի գործիքներ ու պոտենցիալ
Հայաստանին վնաս հասցնելու համար, և մտավախություններ, մտահոգություններ ունեն Ռուսաստանի
հետ հարաբերությունները խզելու հարցում։
Վարդանյանը նկատեց, որ Հայաստանը տարբեր կերպ փորձում է հասկացնել, որ հետաքրքրված
չէ, որ Ռուսաստանը միջնորդի դեր խաղա հայ-ադրբեջանական հարաբերություններում։
Միաժամանակ՝ քաղաքագետը նկատեց, որ չնայած կողմերը հաճախ բանակցում են երկկողմ
ձևաչափով, սակայն երրորդ կողմերը ակտիվ աշխատում են թե՛ Հայաստանի, թե՛ Ադրբեջանի հետ։
Անդրադառնալով ճանապարհների ապաշրջափակմանը` Վարդանյանն ասաց, որ Ռուսաստանը խուսափում
է օգտագործել «միջանցք» տերմինը, սակայն փորձելու են, որ կողմերը իր ուզած կոնտեքստով
գան համաձայնության։
Մանրամասն՝ տեսանյութում
Վովա Հակոբյան
