Հայաստանը
շահագրգռված է տարածաշրջանային կայունությամբ, խաղաղությամբ և տարածաշրջանի
երկրների միջև համագործակցությամբ։ Civic.am-ի հետ զրույցում նշեց ԱԺ Արտաքին
հարաբերությունների մշտական հանձնաժողովի նախագահ Սարգիս Խանդանյանը։
Նրա
խոսքով՝ Հայաստանը մասնակցում է բոլոր ֆորմատներին, որտեղ տարածաշրջանային հարցեր
են քննարկվում, ««3+3» հարթակը հենց
այդպիսին է, որին Հայաստանը ի սկզբանե մասնակցում է, ինչը տրամաբանական է,
որովհետև մեր աշխարհագրությունը, մեր հարևանությունը այդ երկրների հետ է և կան
հարցեր, որ պետք է նրանց հետ քննարկել»։
Պատգամավորը կարծում է, որ պետք
է համագործակցել բոլոր դերակատարների հետ․ «Հայաստանի դեպքում այդպես է․ մեր նպատակն է նորմալ հարաբերություններ ունենալ բոլոր
կողմերի հետ»։
Ինչ վերաբերում է
հայ-թուրքական հարաբերություններին, Խանդանյանը նկատեց, որ Հայաստանը Թուրքիայի
հետ կարող է հարաբերությունների արագ առաջընթաց ապահովել, բայց տեսնում ենք
որոշակի նախապայմանների առաջ քաշում, որը պայմանավորված է հայ-ադրբեջանական
հարաբերությունների կարգավորմամբ։
