«ԼՂ հարցը սփյուռքահայության համար ցավոտ թեմա է, իսկ ԱՄՆ-ում հսկայական հայ համայնք կա, և Թրամփը Արամ Ա Հայրապետի հետ հեռախոսազանգ ունենալով ու ԼՂ հարցը բարձրաձայնելով՝ փորձում է իր համար ընտրազանգված ապահովել։ Սա նաև  առիթ է շեշտելու այն տարօրինակ իրավիճակը, որ գործում է մեր հոգևոր աշխարհում, որ կա երկու կաթողիկոս»: Այս մասին ասաց Ազգային ժողովի «Քաղաքացիական պայմանագիր» խմբակցության պատգամավոր Հովիկ Աղազարյանը՝ անդրադառնալով Արամ Ա Հայրապետի  ու Դոնալդ Թրամփի հեռախոսազրույցին, որում անդրադարձ չի կատարվել Հայաստանի Հանրապետությանը, այլ միայն Լեռնային Ղարաբաղի խնդրին։    

Պատգամավորի խոսքով՝ ԱՄՆ-ն ՀՀ-ին աջակցում է խաղաղության հարցում, որովհետև շահագրգռված է՝ ՀՀ-ն ժողովրդավար պետություն է։ Ըստ նրա՝ ՀՀ-ն այսօր տարածաշրջանի ամենաժողովրդավար պետությունն  է։ Աղազարյանը կարծում է, որ Հայաստանի մասնակցելը տարածաշրջանային հարթակներին չի հակասում ԱՄՆ-ի հետ հարաբերությունների զարգացմանը. «Մենք բազմավեկտոր քաղաքականություն ենք վարում»։

Ինչ վերաբերում է  Թուրքիայի հետ հարաբերություններին, ապա Աղազարյանը կարծում է, որ պետք է հարաբերությունները կարգավորել՝ չմոռանալով պատմությունը։

Մանրամասն՝ տեսանյութում

Դավիթ Լևոնյան