Երևանի ամանորյա ձևավորման համար նախատեսված է 549.7 մլն դրամ։ Այս մասին հայտարարել է Երևանի քաղաքապետի տեղակալ Սուրեն Գրիգորյանը։

Փոխքաղաքապետը համոզված է, որ եթե ուզում են  համապատասխան տուրիստական հոսքեր ապահովել, եթե ուզում են՝ երևանցիները  նոր տոնակատարություն ունենան, պետք է ամեն տարի ոչ թե բյուջետային առումով ավելի ծախսել, այլ՝ շարունակեն թեկուզ նույն գումարը ծախսելով, ապա պետք է ավելի ընդլայնել շրջանակը։

Սուրեն Գրիգորյանը նաև մի քանի ցուցանիշ է հրապարակել։

2022-23թթ ծախսվել է 590 մլն 999 հազար դրամ. «Սա այն տարին էր, երբ շատ գումար ներդրեցինք, սարքավորումներ ձեռք բերեցինք, որոնք արդեն երրորդ տարին է՝ օգտագործում ենք»,- ասել է նա։

2023-24թթ ծախսվել է 626 մլն 926 հազար դրամ. «Անցած տարի էլ ձեռք ենք բերել Սուրբ ծննդյան տոնավաճառի տնակները, որ անցյալ տարի էլ ենք օգտագործել, այս տարի էլ ենք օգտագործում»,- նշել է նա։

Գրիգորյանը շեշտել է, որ այս տարի ավելի քիչ գումար է նախատեսված ծախսել, քան նախորդ տարի. «Այս տարի ծախսելու ենք 549 մլն 706 հազար դրամ»։