«Հաշվի առնելով մամուլում և սոցիալական ցանցերում ի հայտ եկած զանգվածային քննարկումները, հարկ եմ համարում տեղեկացնել, որ մի շարք բարձրաստիճան պաշտոնյաների խնդրել եմ թողնել իրենց զբաղեցրած պաշտոնները»,- այդ մասին իր ֆեյսբուքյան  էջում  երկուշաբթի գրել էր ՀՀ վարչապետ Նիկոլ Փաշինյանը։

Դրանից հետո դիմումներ ներկայացրեցին վեց պաշտոնյաներ։  

Թեմայի վերաբերյալ Civic.am-ը զրուցել է «Քրիստոնեա-ժողովրդավարական» կուսակցության նախագահ Լևոն Շիրինյանի հետ։

Նա նշեց, որ նման որոշումն իր համար սպասելի չէր, որովհետև դա գործի խոհանոցային նախապատրաստում էր, բայց որ արվել է անհրաժեշտաբար, ճիշտ է արել, որովհետև երկիրը որոշակի զարգացման փուլ է թևակոխում և դա կայունությունն է։

«Եթե վերցնենք այս վերջին ամիս կամ նախորդը և պատերազմի ավարտը, մենք հարատև ճնշման և կիսապստամբական վիճակում է եղել երկիրը՝ ռուսական քայքայիչ ուժերի կողմից, ղարաբաղյան կլանի կողմից,  և դրանց շնիկների կողմից։  Քոչարյան Ռոբերտը դրանց «մոսկա» էր ասում, այդ ամբողջը ապակայունացում էր։ Ինչքան եմ ես ասել, որ մեր երկրին խիստ անհրաժեշտ է կայունություն, որպեսզի կարողանա վերքերը բուժի և այլն։ Այդ որոշակի փուլն անցավ, տնտեսական որոշակի տեղաշարժ եղավ, որի ապացույցը ճանապարհներն են։ Եվ ահա այսպիսի որոշակի զարգացումից հետո երևի այդ զարգացման խոչընդոտները վերացնելու խնդիր է առաջացել նաև միջազգային դրության իմաստով երևի արտաքին ֆոնը պարզվեց»,- ասաց Լևոն Շիրինյանը։

Վերջինս կարծում է, որ առաջիկայում նոր պաշտոնանկություններ ևս կլինեն և ինքը կուզենար, որ նույն, բայց ավելի նախապատրաստված ձևով դա լիներ բանակի Գլխավոր շտաբում և ՊՆ-ում, խիստ անհրաժեշտ է սովետական, ռուսական կադրերն ընդմիշտ պետք է Հայաստանը թողնեն՝ կառավարությանը մասնակցելու առումով և հատկապես ռուսական ազդեցություն կրողները։

Նա նշեց, որ վարչապետն այս քայլով երկրի զարգացման պահանջներին համահունչ է գնում, հիմա պետք են արմատական ռեֆորմներ։

Մանրամասները՝ տեսանյութում

Լիլիթ Թադևոսյան