Տարիներ շարունակ քաղաքագետ Ստեփան Գրիգորյանը չի
կարողանում այցելել Ռուսաստան՝ իր ծնողների շիրիմին, բայց այն շրջանակները, որոնք աղաղակում
են Անդրանիկ Միհրանյանի՝ Հայաստան մուտքի արգելքի մասին, Ստեփան Գրիգորյանի դեպքում
լռում են։ Civic.am-ի եթերում այս մասին ասաց քաղաքագետ Գագիկ Քամալյանը։
Նա անդրադարձավ նաև Երևանում երեկ կայացած «Հայաստան-Թուրքիա հարաբերություններ. սպառնալի՞ք,
թե՞ հնարավորություն» համաժողովին, որի ընթացքում ՀՅԴ բյուրոյի անդամ, ֆրանսահայ Մուրադ
Փափազյանը նշել է, թե հայ-թուրքական հարաբերությունների հաստատումը առաջին հերթին
ենթադրում է սահմանի բացում, ինչը կնշանակի թուրքական էժան ապրանքի ներհոսք, հայկական
ընկերությունների սնանկացում և դրանց վաճառք թուրքական ընկերություններին, Հայաստանից
բնակչության արտահոսք՝ 10 տարում 500 հազար մարդ։
Քամալյանը ուշադրություն
հրավիրեց հանգամանքին, որ տասնամյակներով փակ հայ-թուրքական սահմանի պարագայում ևս
հայկական տնտեսությունը չի զարգացել, նույն չափի արտագաղթ է եղել, նշում է Փափազյանը։
«Սա հերթական մանիպուլյացիան
է, քարոզչական տրյուկ է, փորձում են վախեցնել ՀՀ քաղաքացիներին, որովհետև հայ-թուրքական
հարաբերությունների կարգավորում նշանակում է որոշակի ժամանակահատվածում ստանալ խաղաղություն։
Եթե դու մերժում ես հայ-թուրքական հարաբերությունների կարգավորումը, քաղաքագիտորեն
դու նրան հակադրում ես պատերազմական իրավիճակ։ Թե ինչքանով է պատերազմի դեպքում սփյուռքը
պատասխանատու պատերազմի ելքերի համար՝ տեսել ենք. նրանք պատասխանատվություն չեն կրում,
բայց մինչպատերազմական փուլում բոլոր տեսակի քարոզչական հնարքներով փորձում են Հայաստանի քաղաքացիներին համոզել, թե Թուրքիան մեզ
ուզում է ոչնչացնել»,- ասաց Քամալյանն ու նկատեց, որ Հայաստանի սահմանային հատվածներում
ևս մարդիկ գիտեն Թուրքիայի նկրտումների, նրա ամբիցիաների մասին, բայց հարց է, թե հայ-թուրքական
հարաբերությունների կարգավորմանը դեմ խոսողները ինչ են առաջարկում։ Իսկ ըստ նրա՝ ՀՅԴ-ականների
այդ շրջանակի առաջարկն ու քաղաքական նպատակն է որպես էթնիկ միավոր այս տարածաշրջանով
Ռուսաստանին հանձնվելը։
Քամալյանն ասաց, որ
սփյուռքը միատեսակ ու միաբովանդակ չէ։ Հայ-թուրքական հարաբերությունների կարգավորումը
վերաբերում է ոչ թե հայ ժողովրդին, այլ Հայաստանի Հանրապետությանը։
Նա նշեց,
որ սփյուռքի անունից պարտադրանքի լեզվով խոսողները քաղաքականապես անպատասխանատու մարդիկ
են։ «Այդպիսի անպատասխանատվություն նրանք ունեցել են նաև 90-ականներին։ Պատահական չէր, որ Տեր-Պետրոսյանի
իշխանությունը փակեց Դաշնակցություն կուսակցությունը, որովհետև այն գործունեությունը,
որ նրանք իրականացնում են, բոլոր առումներով ծառայում է Հայաստանի պետականության
